Vizitë pune e Inspektoratit homolog të Kosovës
Me ftesë të Kryeinspektorit të ISHTI Dritan Meta,një delegacion i inspektoratit homolog të Republikës së Kosovës,në datën 29.05.2018 kreu një vizitë pune në ISHTI.
Në takim morën pjesë Kryeinspektori i ISHTI Z. Dritan META dhe drejtues të tjerë të këtij institucioni.
Në delegacionin e Republikës së Kosovës morën pjesë Z.Xhevat Smakiqi ,ekspert ligjor i kabinetit të ministrit , Z. Lulëzim Syla , Kryeinspektor dhe specialistë të tjerë të Ministrisë të Tregtisë dhe Industrisë.
Në takim u shkëmbyen mendime për:
Bazën juridike mbi të cilën zhvillohet kjo veprimtari në vendet respektive .
Procedurat e licensimit në tregun hidrokarbur
Zbatimi i standarteve teknike në instalimet që zhvillojnë veprimtari hidrokarbure.
Kontrolli i cilësis të nënprodukteve të naftës dhe zbatimi i standarteve europiane
Markimi i nënprodukteve të naftës
Infrastruktura e kontrollit të cilësisë të nënprodukteve të naftës
Mbajtja e rezervave të sigurisë në përputhje me direktivat e BE
Takimi u zhvillua në një atmosferë miqësore dhe bashkëpunimi
Në përfundim të takimit palët ranë dakord që :
duke vlerësuar si të domosdoshëm bashkëpunimin midis dy institucioneve në fushën e tregtimit të naftës dhe nënprodukteve të saj të shkëmbejnë informacione me interes reciprok për çeshtje që lidhen me kryerjen e detyrave të përcaktuar në legjislacionin respektiv të dy vendeve .
Të planifikojnë veprime të përbashkëta në kuadrin e përditësimit të kuadrit ligjor
Dhënien e ekspertëve dhe asistencës teknike
Realizimin e trajnimeve të perbashkëta duke realizuar shkëmbime informacioni ,seminare etj.
Të ofrojnë kundrejt tarifave të përcaktuara në aktet nënligjore kryerjen e analizave laboratorike sipas kërkesave respektive.
Palët ranë dakort që të informojnë ministritë e linjës për hartimin e një memorandumi mirëkuptimi për rritjen e bashkëpunimit dhe njohjen e analizave të ISHTI nga shteti i Kosovës
Për nder të vizitës të këtij delegacioni Kryeinspektori i ISHTI Z. Dritan Meta shtroi një drekë pune .
